recent
أخبار ساخنة

الحته الي ضعيف فيها في البراندينج اسئلة واجوبة branding

ماهو تعريف براندينج

البراندينج هو عملية صنع اسم مميز أو اختيار صورة فريدة أو شعار يخرج عن المعتاد ويكون خارج الصندوق وخارج المعتاد حتى يحظى على اهتمام القارئ أو المستخدم أو العميل، فهو يخلق لمنتجك صورة مميزة أمام المستهلكين ، وابضا يوجد مرحلة اسمها تطوير البراند وهي تغير الهوية البصرية للمنتج او الشركة زى فى الاوان الاخيرة عملت شاومى عملت تطرير البراند الخاص بها .

الحته الي ضعيف فيها في البراندينج اسئلة واجوبة

الحته الي ضعيف فيها في البراندينج

شوية اسئلة معظم الناس بتسئلها واحنا هنرد على كل سؤال ، عشان الناس توصل لدرحة كافية فى الوصول اللى افضل تصميم فى البراندينج ، وكمان هنقول ازى من اول مرة شغلك يتقبل من الكلاينت بس ركز فى كل اللى جاى و بس متفوتش اى حتة او فقرة او اى حاجة من الموضوع .

ازى شغلك يتقبل من اول اوبشن

أول حاجه قبل مانبداء اختار الكلاينت بتاعك يكون شكله ايه بمعني صريح اشتغل مع الي يكون فاهم ومقدر انت بتعمل ايه وفي نوع من الناس بيكون مش فاهم وعنده قابليه انه يفهم بس دول احسن نوعين تشتغل معاهم . طيب تعمل اي علشان تعرف ايه نوع الكلاينت ده قبل ما تستلم الفلوس او تشتغل معاه . 

  • ارغي معاه وافهم كل حاجه منه وايه خططه وحابب يعمل ايه فى تصميم البراند . 
  • الكلاينت طول ما هو عجبه شغلك ودخل كلمك يبقا شاري الي هتعمله بس بلاش جو انك لازم تقبل قبل ماتتكلم في تفاصيل كتير علشان خايف ليمشي منك . 
  • الكلاينت المتعب بيبان من اسلوبه ومناقشته فالو حسيت الحته بتاعت ان الحوار هيكون فيه تعب ارفض . 
  • الكلاينت المتردد والي بيغير رايه كل دقيقه بلاش برضو ليه لانه بيكون ضعيف بسمع لرأى اللى حواليه ودا هيتعبك .

الكلاينت طلع تمام

لازم تشوف نظرته كامله عن تصميم براندينج زي ماهو متخيلها لان مينفعش يكون متخيل حاجه وانت تعمله حاجه تانيه ويبقى اسمه أوبشن وخلاص لان غالبا هيترفض طب ده تعرفه ازاي بأنك تساله علي كل حاجه عاوز تفهمها لحد ماتحس فعلا انك خلاص اتاكدت هو عاوز ايه فى التصميم ال branding الخاص بيه هو الحته دى مهمة جدا . طيب خلصت المرحله دي طبعا لازم تجيب ورقه وقلم وتلخص كل الي انت عرفته منه ده وده لسببين الاول علشان متنساش اي حاجه حتي لو تفصيله بسيطه والتاني علشان تعرف تستخلص ده كله ف كام سطر يعرفو يفيدوك في تصميم براندينج فى حتة تانية خالص .

اهم مرحلة فى تصميم و تطوير ال branding

المرحله الاهم والي اغلب الناس مش بيعملها انك تعمل سيرش مفصل عن البراند ، مثلا لو شركه شحن شوف كل اللوجوز بتاعت شركات الشحن وده ك مثال طبعا واي الاخطاء الي وقعو فيها ، و سجلها وخليها قدامك وانت شغال علشان يطلع التصميم بتاعك مفهوش اي غلطه وحاجه كده تمام ومن ضمن السيرش دور علي المنافسين للكلاينت بتاعك وادرسهم وكويس وادرس اخطائهم . معلومه كدا زياده قبل مانخش علي النقطه الي بس بعد كده لو في اي معلومه وقفت معاك وانت بتعمل سيرش عادي جدا ترجع تسال الكلاينت لانك جرافيك ديزاينر مش شخص معاه شركه شحن وعنده خبرا في المجال ده وطبيعى هيكون فاهم اكتر منك في الحته دي .

مرحله الاسكيتشينج

ودي مرحله مهمه جدا جدا ومينفعش تتجاوزها تعالي اقولك ليه لانك انت خلصت وبقا معاك الداتا دي كلها قولي ازاي هتعرف تلخصها ف لوجو صعب صح يبقا لازم تجرب كذا حاجه التجارب دي هيا الي بتكون الاسكيتشينج لانك بتشوف انهي فعلا الي يقدر يلخص كل ده في اكمل وجه وبأبسط شكل هنا بقا تيجي صعوبه الشغل ف هقولك كام نصيحه بقا تساعدك تبسط معاك الحوار .

نصايح مرحله الاسكيتشينج

متستعجلش خد وقتك في الاسكتشينج لان الي انت شايفه صح وجميل وبيحقق كل ده دلوقت بعد ما تنام وتصحي هتقول اي القرف الي عملته ده لازم اطلع احسن ف خد وقتك فى تطوير الاسكيتشينج . 

متنزلش اي اسكيتش علي السوشيال ميديا ومتاخدش راي حد ده شغلك ، وانت المسؤول وفر وقتك وطلع احسن ماعندك ممكن تشارك الاوبشن عادي في شكله النهائي لاكن مش الاسكتشينج . 

خلي ديما مخك شغال بالشغل حتي لو قررت تفصل متفصلش بشكل كامل وترجع مخك شبه هيبداء من اول وجديد خلاص كده انت خلصت الاوبشن وجه وقت انك توريه للكلاينت بص انتبه من كام نقطه مهمه قبل المرحله دي متبعتش اللوجو بس بمعني الكلاينت مش زيك هيقدر يتخيل الديزاين هيكون ازاي وريله ابعاد كل حاجه وده بيكون بالبرزنتيشن القوي . 

 خلي البرزنتيشن منطقي الحاجه الي هيستخدمها حطهاله متحهلوش علي كفر فون مثلا وهيا شركه شحن مش منطقي ف وريله الي هوا عاوز يشوفه او يتخيله .

اسئلة واجوبة عن نقاط الضعف فى براندينج

لازم ديجيتال ماركيتينج مع البراندينج ؟ 

خليني اقولك علي حاجه ان البراندينج بيكون معتمد علي الديجيتال ماركتينج ودي بتكون المرحله رقم 2 بمعني انك بعد ما بتعمل براندينج كامل لشركه بيبداء قسم الديجيتال ماركتينج ف الشركه انه يشتغل علي شغلك ويسوق البراند صح ف انت لازم يكون عندك خلفيه عن ازاي هما بيسوقو شغلك مش هقول دارس بس علي الاقل عندك خلفيه كويسه علشان تعرف توظف كل حاجه صح .

الوصول لعدد كبير من الناس صعب ؟

بص ده هيعتمد علي ال personal branding وازاي تسوق لنفسك صح بص هوا الحوار يطول شرحه بس لو كتبت في اليوتيوب عن الوصل بعدد كبير من الناس فى شغل البراند هتلاقى شروحات كتير بتوضحلك ازى تسوق لشغلك صح وازى توصل ل حتة عدد من الكلاينت اكتر .

ايه المطلوب بالظبط عشان أكون جرافيك ديزاينر شاطر ، لازم أكون بشتغل ف البراندينج؟

بص اول حاجه جرب كل مجالات الجرافيك وشوف نفسك هتحب اي او هتحب تتخصص في ايه ، اما فكره انك لازم تشتغل في البراندينج ف ده مش صح ده مجال من مجالات الجرافيك بس نصيحتي ليك اقعد فتره بتجرب كل حاجه علشان يكون عندك خلفيه كويسه عن كل المجالات وهتلاقي التخصص بداء يجي لوحده بمعني هتلاقي انك بدات ترتاح مثلا لنوع معين من المجالات دي وبكده هتكون اتخصصت ف حاجه وتشتغل ع نفسك اكتر فيها عشان متبقاش ضعيف فى اى مجال بس اختار اللى ترتاح فيه وتكون بطلع شغل حلو فيه .

عاوز اعمل برزنتيشن كويس ؟

اتفرج كتير جدا علي شغل غربي علي بيهانس وبلاخص الياباني والبريطاني وشوف بيعرضو شغلهم ازاي وشوف انتا تقدر تقدم اي بس بأسلوبك والطابع الخاص بتاعك وابداء اعمل دايركشن لنفسك بحيث الناس تميزك بيه ديما خلي ترتيب شغلك من الاحسن للاحسن بحيث تخلي المتلقي يتفرج علي البرزنتيشن كله ويستمتع رتب صورك علي حسب الانتماء بتاعها مينفعش اكون حاطط صوره لموك اب واقعي جدا تحته صوره لموكب باين انه موكب اب عادي هتحس انه مش منطقي وهتخلي المتلقي يسيب البرزنتيشن قبل ما البرزنتيشن يخلص ف حاول تدرس عيوب ومميزات كل برزنتيشن تشوفه هتبداء تخلق دايركشن مميز ليك .

طريقة التحميل من الموقع الخاص بنا اذا كنت لاتعلم كيفية التحميل

google-playkhamsatmostaqltradent