recent
أخبار ساخنة

نصائح للحفاظ على باقة النت حتى موعد تجديدها

الصفحة الرئيسية

نصائح مهمة للحفاظ على باقة الإنترنت

السلام عليكم ورحمة الله وبركاته اعضاء مدونة ايجى نترو الكرام ، موضوع النهاردة اغلب الناس بتشتكى من إن باقة الإنترنت المنزلى بتخلص قبل موعد ها ودا بيسبب انك تشحن باقة اضافية او انك تجديدها قبل موعد تجديدها ودا بيخلك تدفع مبلغ اكتر للإنترنت .

نصائح للحفاظ على باقة النت حتى موعد تجديدها

نصائح للتغلب علي مشكلة نفاذ باقة الإنترنت

الفترة اللى فاتت الشركات فى مصر خصوصا ضاعفت سرعة الانترنت ودا نتج عنو ان الباقة بتخلص بسرعة وفى اسباب تانية كتير ممكن تكون انت مش واخد بالك منها وهيا اللى بتخلصلك الباقة . 

  • الكمبيوتر بيعمل تحديثات كتير وانت مش واخدبالك . 
  •  برامج الكمبيوتر شغالة فى الخلفية و بتستهلك الانترنت . 
  • الموبيل بيحمل تحديثات كتير جدا للتلفون وللبرامج . 
  • حد سارق الواى فاى الخاص بيك وبيحمل كتير .

الحفاظ على باقة الإنترنت

طبعا فى الفقرة اللى فاتت انا وضحتلك ايه اللى ممكن يستهلك الباقة لكن الفقرة دى هقولك على تفصيل كتير هتفيدك فى تجديد باقتك فى معادها . اول حاجة الموبيل او الموبيلات اللى بتستخدم الواى فاى بتاعك ، طبعا اغلب التلفونات حديثة اللى بيحصل معاك ان التلفون بيدعم جودة تشغيل فديوهات عالية الجودة وانت عندك انترنت سريع اللى بيحصل اول مبتشغل الفيديو على اى منصة بيشغلك اعلى جودة ليه لان التلفون بيدعم الجودة دى والانترنت عندك سريع . كل اللى عليك تظبت التلفون فى البيت عندك تخش على الابلكيش زى اليوتيوب والفيس بوك وغيرها من برامج وتقلل جودة الفديوهات ، وكمان تخش على المتجر اللى بينزل منو البرامج وتخلى تحديث البرامج يدوى من اوتوماتيك . اما الكمبيوتر سهل ومش بيستهلك كتير فى الانترنت زى الموبيل وطبعا ولكن افحص الجهاز كويس وشوف البرامج اللى بتستهلك الانترنت وبتشتغل فى الخلفيه وانت مش شايفها اقفلها لو ملهاش اى لازمة .

أفضل طريقة الحفاظ على باقة النت

دى افضل نصائح للحفاظ بيها على باقة الإنترنت عشان تجديدها فى معادها الطريقة عبارة عن انك تحدد السرعة النت لكل المستخدمين على الروتر يعنى انت تقدر تتحكم فى نفسك فى جودة الفيدويهات اللى انت بتسمعها على الموبيل او الكمبيوتر وكان تحديثات البرامج لكن مش هتقدر تتحكم فى غيرك . فالحل الامثل انك تحدد السرعة الانترنت لمستخدمين الانترنت اللى معاك فى البيت عشان تقدر تحافظ على الباقة الخاصة بيك وتجددها فى معادها .

تحديد سرعة الانترنت لكل المتصلين على الراوتر بدون استخدام برامج

نصائح الحفاظ على تجديد باقة الانترنت فى معادها

  • اقفل التحديثات التلقائية لتحديث التطبيقات فى الموبيل .
  • ضبط جودة الفديوهات داخل التطبيقات فى الموبيل .
  • تحديد سرعة الإنترنت لكل المتصلين على الروتر .
  • تأمين وحماية الروتر الخاص بك من السرقة .
  • قفل تحديثات البرامج على الكمبيوتر .

  • تقليل جودة الفديوهات اثناء استمعها على الكمبيوتر من خلال ال‘نترنت .

نصائح لتقليل استهلاك الانترنت في هواتف أندرويد والحفاظ علي باقة النت لاخر الشهر

هل شركة الانترنت بتسرق الباقة

عن تجربتى الشخصية مع شركة الانترنت اللى انا بتعامل معاها WE اقدر اقول مافيش اى سرقة من اتجاهم . العيب عندك انت ممكن يكون استخدام العيله فى البيت عندك للانترنت كتير وانت مش حاسس بكدا . وفى الوقت الحالى مع التطور الابلكيش فى الموبيل بتسحب انترنت كتير جدا وانت مش حاسس . وكمان ممكن يكون حد من سارق منك انترنت عن طريق الواى فاى وانت مش مأمن الروتر بتاعك كويس اوى . طبعا انت بقا لو انت ظابت الدنيا عندك فى اللى قلتو دا كلو وحاسس ان الباقة بتضيع منك او بتتسرق تقدر تتواصل مع الشركة اللى انت ساحب منها خدمة الإنترنت وتحل المشكلة معاهم لان احيانا هنقول 5% تقريبا ممكن السيستم بتاعهم ممكن بغلط .

طريقة التحميل من الموقع الخاص بنا اذا كنت لاتعلم كيفية التحميل

google-playkhamsatmostaqltradent